Arnat akornanni ilinniarsimassuseq qaffasinnerusoq
Meeqqat atuarfianniit qaffasinnerusumik ilinniagaqarsimasut amerlanersaat arnaapput. 2017-imi arnat 42,6 procentii inuusuttunut ilinniarfimmik imaluunniit ingerlariaqqiffiusumik ilinniakkamik ilinniagaqarsimapput, angutinullu kisitsit 36,8 procentiulluni.
Assigiinngissut ingerlariaqqiffiusumik ilinniakkaniippoq. 2017-imi arnat 14,9 procentii, angutit 9,4 procentiinut naleqqiullugit, ingerlariaqqiffiusumik ilinniagaqarsimapput. Pingaartumik arnat ingerlariaqqiffiusumik ilinniagallit amerlassusaat ukiuni kingullerni qulini qaffariarsimavoq. Ingerlariaqqiffiusumillu ilinniarsimanerni qaffariaat professionsbacheloritut ilinniakkani pisimavoq.
Titartagaq 2. Innuttaasut (16-74-inik ukiullit) meeqqat atuarfianniit qaffasinnerusumik ilinniagaqarsimasut amerlassusaat, suiaassuseq ukiorlu malillugit
Nalunaarut: Inuusuttunut ilinniakkani ilinniarnertuunngorniarnerit, inuussutissarsiornermik ilinniarnerit aammalu angusanik qaffassaanerit pineqarput.
Najoqqutaq: Naatsorsueqqissaartarfik – kisitsisaataasivimmi kisitsisit takukkit (http://bank.stat.gl/UDDISCPROG).